დაავადებათა კონტროლის ეროვნული ცენტრის ხელმძღვანელმა ამირან გამყრელიძემ კორონავირუსზე ტესტირება ჩაიტარა და პასუხი უარყოფითია.
როგორც ამირან გამყრელიძემ განაცხადა, მისი ჯანმრთელობის მდგომარეობა სტაბილურია.
,,ჯანმრთელობის მდგომარეობა ნორმალურია, მაგრამ რადგან გასულ შაბათ-კვირას ინტენსიური კონტაქტები მქონდა ინფიცირებულებთან, რომელთა ინფიცირებაც დადგინდა ორშაბათს, მესამე დღეა, თვითიზოლაციაში ვარ. ტესტი ამ ეტაპზე უარყოფითია, ასევე, სიმპტომები ჯერჯერობით არ მაქვს, ვნახოთ", - განაცხადა ამირან გამყრელიძემ "TV პირველის" ეთერში.
ცნობისთვის, ქვეყნის მთავარი ეპიდემიოლოგი ამირან გამყრელიძე 17 ნოემბრიდან თვითიზოლაციაში იმყოფება.
