მახინჯაურში ავტოავარიის შედეგად დაშავებული 6 წლის ბავშვის მდგომარეობა, რომელიც იაშვილის სახელობის ბათუმის დედათა და ბავშვთა ცენტრალურ ჰოსპიტალში იმყოფება მძიმეა.
"მდგომარეობა უკიდურესად მძიმეა და თბილისში გადაყვანის საკითხი არ განიხილება" - აცხადებენ ჰოსპიტალში.
შეგახსენებთ, მახინჯაურში, გვიან ღამით მომხდარ ავარიას 3 ადამიანი ემსხვერპლა, მათ შორის ერთი არასრულწლოვანი. ავტომანქანა ქვეითებს დაეჯახა.
დაღუპულია ოჯახის სამი წევრი. დაშავებულია 7 ადამიანი. ისინი ბათუმის სხვადასხვა კლინიკაში გადაანაწილეს. დაკავებულია მძღოლი.
Report.ge-ს შინაგან საქმეთა სამინისტროში განუცხადეს, რომ გამოძიება დაწყებულია 276-ე მუხლით.