მესტიაში, მწვერვალ თეთნულდზე ჩამოწოლილ ზვავში სავარაუდოდ უკრაინის მოქალაქეც მოჰყვა. დღეს მაშველებმა ჩამოწოლილი ზვავიდან ჩეხი ტურისტი გამოიყვანეს. საგანგებო სიტუაციების სამსახურის წარმომადგენლებმა სტიქიის ზონაში კიდევ ერთი ტურისტის ძებნა გააგრძელეს. თუმცა ადგილზე მყოფმა ტურისტებმა კიდევ ერთი ადამიანის გაუჩინარების შესახებ ინფორმაცია არ დაუდასტურეს. მოგვიანებით კი ერთ-ერთ სასტუმროში მოთხილამურის სრული აღჭურვილობა იპოვეს, რომელიც უკრაინელ ტურისტს ეკუთვნის.
ის სასტუმროში არ გამოჩენილა, რის გამოც სამძებრო სამუშაოები გრძელდება.
