მეუფე მელქისედეკი მიხეილ სააკაშვილთან შეხვედრის შემდეგ პენიტენციური დაწესებულებიდან გამოვიდა. რუსთავის ციხიდან გამოსულმა მეუფემ განაცხადა, რომ პრეზიდენტი შიმშილობის შეწყვეტას არ აპირებს და მადლობას უხდის ქართველ ხალხს გუშინდელ აქციასთან დაკავშირებით.
"ის მადლობას უხდის სრულიად საქართველოს, ვინც დაინტერესებულია მისი ჯანმრთელობის და ზოგადად, მისი მდგომარეობით. მადლობელია გუშინდელი დღისთვის, აქციასთან დაკავშირებით. მე მინდა ვთხოვო ყველას, ვისაც ხელეწიფება, რომ მისი მკურნალი ექიმი შეუშვან მასთან რადგან ეს აუცილებელია.
მე მას ვურჩიე, ხომ არ არის ეს შიმშილობა მისი ამჟამინდელი მდგომარეობისთვის ცოტა მიუღებელი. მან უარი განაცხადა შიმშილობასთან დაკაშირებით და განაცხადა, რომ არ აპირებს გადაწყვეტილების მიღებას შიმშილობის შეწყვეტასთან დაკავშირებით.
ფერი არ მომეწონა, გასაგებია ამდენი ხანია ცუდად არის, შიმშილობს", - განაცხადა მეუფე მელქისედეკმა.
