საქართველო პირველი კონსტიტუციის მიღებიდან 100 წლისთავს აღნიშნავს.
საქართველოს დამფუძნებელმა კრებამ 1921 წლის 21 თებერვალს მიიღო უმნიშვნელოვანესი დოკუმენტი - საქართველოს დემოკრატიული რესპუბლიკის კონსტიტუცია.
საუკუნის წინ მიღებულმა კონსტიტუციამ მნიშვნელოვანი როლი ითამაშა საქართველოს კონსტიტუციონალიზმის ისტორიისა და საქართველოს სახელმწიფოებრიობის განვითარებაში.
1921 წლის კონსტიტუცია 17 თავისა და 149 მუხლისაგან შედგებოდა. ის ერთ-ერთი პროგრესული კონსტიტუცია იყო ევროპის კონტინენტზე, რომელშიც თანადროული კონსტიტუციონალიზმის ყველა მიღწევა და საკაცობრიო ღირებულება აისახა.