ცხინვალის საოკუპაციო რეჟიმმა, 8 თვის ორსული თათია ადიკაშვილი ქართულ მხარეს უკვე გადასცა. ის ამ დრომდე, ოკუპირებულ ცხინვალში საკარანტინე სივრცეში იმყოფებოდა.
ინფორმაცია Report.ge-ს სახელმწიფო უსაფრთხოების სამსახურში დაუდასტურეს.
მათივე ინფორმაციით, თათია ადიკაშვილი სახლში დაბრუნებას საკარანტინე პერიოდის დასრულების შემდეგ შეძლებს.
ცნობისთვის, სოფელ ხურვალეთში, ოკუპირებულ ტერიტორიაზე მცხოვრები დათა ვანიშვილის შვილიშვილი, მალხაზ ვანიშვილი, 8 თვის ორსულ ცოლთან ერთად, ოკუპირებულ ცხინვალში გადავიდა და მოქალაქეობა მოითხოვა.
ახალგაზრდა მამაკაცმა ე.წ სამხრეთ ოსეთის მოქალაქეობა მიიღო, ფეხმძიმე ქალი კი ქართულ მხარეს დღეს გადასცეს.
