თავში

"სირცხვილია" რეგულაციების შესრულებას არ აპირებს

"სირცხვილია" რეგულაციების შესრულებას არ აპირებს
სირცხვილია  რეგულაციების შესრულებას არ აპირებს

სამოქალაქო მოძრაობა "სირცხვილია" კორონავირუსის გავრცელების გამო დაწესებული რეგულაციების შესრულებას არ აპირებს, რომლის მიხედვითაც საღამოს 10 საათიდან დილის 5 საათამდე გადაადგილება შეზღუდულია.

"საპროტესტო გამოსვლების პასუხად, ხელისუფლებამ 22:00-დან 05:00-მდე გადაადგილება აკრძალა.

ამიტომ დღეს პარლამენტის წინ ერთად გამოვუცხადებთ დაუმორჩილებლობას მთავრობის შეზღუდვებს!

ხელისუფლებამ გუშინ ისევ არაპროპორციული ძალის გამოყენებით, სიცივეში ცივი წყლითა და ცრემლსადენი სითხით დაშალა მშვიდობიანი საპროტესტო აქცია.

და იცით, სადამდე გაუვათ? სანამ საკუთარ სახლებში კომფორტულად მოკალათებულები დაკავებული ადამიანების რაოდენობასა და დასახიჩრების ტიპებს 7 ნოემბერს, 26 მაისსა და სხვა თარიღებს შევადარებთ.

სანამ ეკრანებთან ჩასაფრებულები დავაკვირდებით, ვინმე ისე ხომ არ იქცევა, მისთვის წყლის ჭავლის მიშვერა რომ ღირდეს.

სანამ უსამართლობაზე გაბრაზების ნაცვლად - შიში შეგვიპყრობს.

კიდევ ერთხელ მოგმართავთ, ბიძინა ივანიშვილო! ჩვენ შენი არ გვეშინია.

შენი მხოლოდ შენს დაქვემდებარებულ მონებს ეშინიათ. ნამუსის ფულზე გამყიდველ მონებს. ეშინიათ იმ “მუშკეტერებსაც”, კორონავირუსი რომ უფრო დიდ საფრთხედ ეჩვენებათ და “პოლიტიკაში არ ერევიან”, ამიტომ, წყლის ჭავლით გაწუწულ ადამიანებზე ხმას ვერ იღებენ.

და ალბათ, ეს არის, ამ ქვეყნისა და მისი მოქალაქეების ბედი. ცემისა და დაშინების მიუხედავად, ღირსებას არ ვთმობთ. გიკვირს, არა?

ამ ქვეყანაში ვცხოვრობთ ჩვენ,

ჩვენ, ვინც ყველაფრის მიუხედავად გამოვალთ გარეთ
და ხმას შევუერთებთ მშიერ რაინდებს,
და საპროტესტო წერილებზეც მივაწერთ სახელს…

შენი დღეები დათვლილია! არ გემორჩილებით!" - აღნიშნულია "სირცხვილიას" მიერ  სოციალური ქსელით გავრცელებულ განცხადებაში.

შეგახსენებთ, დღეს, 18:00 საათზე პარლამენტის წინ გაერთიანებული ოპოზიციის აქცია გაიმართება. 

ცნობისთვის, დღეიდან საქართველოს დიდ ქალაქებში: თბილისში, ქუთაისში, ბათუმში, რუსთავში, ზუგდიდში, გორში და ფოთში გადაადგილება შეიზღუდება

გადაადგილების შეზღუდვის დარღვევისთვის ფიზიკური 2 000 ლარით დაჯარიმდება, ხოლო იურიდიული პირი - 10 000 ლარით.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system