თავში

აფეთქების შედეგად დაშავებული 77 წლის კაცის მდგომარეობა მძიმეა

აფეთქების შედეგად დაშავებული 77 წლის კაცის მდგომარეობა მძიმეა

თბილისში, თევდორე მღვდლის ქუჩაზე, გუშინ მომხდარი აფეთქების შედეგად დაშავებული კაცის მდგომარეობა კვლავ მძიმეა და პაციენტი რეანიმაციულ განყოფილებაში რჩება. ამის შესახებ report.ge-ს დამწვრობის ცენტრის ხელმძღვანელმა გუგა ქაშიბაძემ განუცხადა.

ექიმის განცხადებით, 77 წლის კაცს სხეულის 35%-იანი დამწვრობა აქვს მიღებული.

,,სხეულის ზედა ნაწილი მთლიანად აქვს დამწვარი, თავი, გულ-მკერდი და ზედა კიდურები. ამას ემატება სასუნთქი გზების დაზიანება. მისი მდგომარეობა მძიმეა და უტარდება შესაბამისი მკურნალობა",- აცხადებს გუგა ქაშიბაძე.

თბილისში, თევდორე მღვდლის ქუჩაზე ერთ-ერთ საცხოვრებელ ბინაში, აფეთქება 28 ოქტომბერს მოხდა, რის გამოც საცხოვრებელი ბინის მეხუთე სართული ჩამოინგრა..

შემთხვევის შედეგად ერთი ადამიანი დაშავდა. 

აღნიშნულთან დაკავშირებით შსს-მ გამოძიება დაიწყო.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system