გაერთიანებული წყალმომარაგების კომპანიის ცნობით, მიმდინარეობს ტენდერი თეთრიწყაროს მუნიციპალიტეტში სოფლების: მაწევანის, გოლთეთის, წინწყაროს, დიდი დურნუკის, პატარა დურნუკის, ქოთიშის, ხაიშის, ქოსალარის, ტბისის, ფარცხისის, საღრაშენის, არდისუბანის, ენაგეთის, შავსაყდარისა და ასურეთის წყალმომარაგების სისტემის მოწყობის საპროექტო - სამშენებლო სამუშაოებზე.
პროექტის სავარაუდო ღირებულება 64 მილიონ ლარზე მეტია.
მიმდინარე ტენდერზე წინადადებების მიღება 24 ნოემბერს დასრულდება.
ტენდერში გამარჯვებულმა კომპანიამ საპროექტო-სამშენებლო სამუშაოები დაახლოებით 47 თვეში უნდა დაასრულოს.
შედეგად, 15 სოფელში 8 000-მდე ადამიანს 24 საათიანი, ხარისხიანი წყალმომარაგება ექნება.
ბელა გელაშვილი
ავტორი