სემეკის მიერ მომზადებული ანგარიშის თანახმად, 2020 წელს ელექტროენერგიის იმპორტმა ექსპორტს 10-ჯერ გადააჭარბა.
საანგარიშო წელს ელექტროენერგიის იმპორტმა 1,610 მლნ.კვტ.სთ შეადგინა. აღნიშნული წინა წლის მაჩვენებელზე 1%-ით ნაკლებია, ხოლო 2018 წელთან შედარებით 6.7%-ით გაიზარდა. რაც შეეხება ექსპორტს, 2020 წელს საქართველოდან ექსპორტირებულ იქნა 154 მლნ.კვტ.სთ ელექტროენერგია, რაც წინა წლის მაჩვენებელზე – 1.5-ჯერ, ხოლო 2018 წლის შესაბამის მონაცემზე 3.8-ჯერ ნაკლებია.
რაც შეეხება საანგარიშო წელს ელექტროენერგიის იმპორტსა და ექსპორტს ქვეყნების მიხედვით, მოცემულია ნახაზებზე 2.11 და 2.12. ელექტროენერგიის იმპორტის 19% თურქეთიდან, 35% – რუსეთიდან, ხოლო 45% – აზერბაიჯანიდან განხორციელდა.
