კარანტინისა და კოვიდ-სასტუმროების პროექტში, მთელი ქვეყნის მასშტაბით, ჩართული იყო 260 სასტუმრომდე. საკარანტინე და კოვიდ-სასტუმროების პროექტის შედეგად, მსოფლიო პანდემიის დროს, დასაქმდა და სამსახური შეინარჩუნა 4 ათასზე მეტმა ადამიანმა. ამის შესახებ ინფორმაციას ტურიზმის ადმინისტრაცია ავრცელებს.
მათივე ცნობით, 2020 წლის მარტიდან დღემდე კარანტინისა და კოვიდ-სასტუმროების პროექტის ფარგლებში მომსახურება მიიღო დაახლოებით 186 ათასმა ადამიანმა.
„საქართველო მსოფლიოში ერთ-ერთი პირველი ქვეყანაა, სადაც კარანტინისა და კოვიდ-სასტუმროების სისტემა დაინერგა.
Covid-19 პანდემიის შედეგად მიყენებული ზარალის დასაბალანსებლად და ტურიზმის სექტორის სწრაფად და უსაფრთხოდ აღდგენის მიზნით, ტურიზმის ეროვნული ადმინისტრაცია 2020 წლის მარტიდან ჩართულია საკარანტინო სივრცეების მართვის პროცესში. პროცესი მოიცავს საკარანტინე, კოვიდ და ცხელების სასტუმროების მობილიზებას და მათ მართვას ქვეყნის მასშტაბით. 2020 წლის მარტიდან დღემდე კარანტინისა და კოვიდ-სასტუმროების პროექტის ფარგლებში მომსახურება მიიღო დაახლოებით 186 ათასმა ადამიანმა.
ტურიზმის ეროვნული ადმინიტსრაცია, ყველა სასაზღვრო პუნქტიდან (აეროპორტები, პორტები, სასაზღვრო გამშვები პუნქტები) მგზავრების გადაყვანას საკარანტინე სივრცეებში ახორციელებს. ასევე, ხდება მოქალაქეების ტრასნპორტირება, როგორც კლინიკიდან - კოვიდ-სასტუმროში, ასევე პირიქით, კოვიდ-სასტუმროდან - კლინიკაში.
ტურიზმის ეროვნულმა ადმინისტრაციამ, კერძო სექტორის მხარდასაჭერად საგანგებოდ შეიმუშავა ადაპტირებული რეგულაციები : ბიზნესის წარმომადგენლებთან, ჯანდაცვის სამინისტროსა და ბიზნეს ომბუცმენთან მჭიდრო თანამშრომლობითა და აქტიური კომუნიკაციით, განთავსების ობიექტების, გიდების, ტურისტული ტრანსპორტისა და საზოგადოებრივი კვების ობიექტებისათვის შემუშავდა რეკომენდაციები.
Covid-19 ადაპტირებული რეგულაციების სწრაფად დანერგვის ხელშეწყობის მიზნით მასშტაბური გადამზადების პროგრამის ფარგლებში, გადამზადდა ტურიზმის ინდუსტრიის 1,280 წარმომადგენელი", - ნათქვამია განცხადებაში.
