თხილისა და სხვა კაკლოვნების განვითარების სათათბირო საბჭოს რიგით მე-5 სხდომა გაიმართა. მინისტრმა ლევან დავითაშვილმა საბჭოს წევრებთან ერთად თხილის სექტორში არსებული ვითარება და გამოწვევები განიხილა.
"გასულ წლებში, თხილის სექტორში გვქონდა ბევრი გამოწვევა, რომელთა დიდი ნაწილი უკვე დაძლეულია და, 2020 წლის მონაცემებით, თხილი მოწინავე საექსპორტო პოზიციებს იკავებს", - განაცხადა ლევან დავითაშვილმა.
მისი თქმით, საქართველოს აქვს მნიშვნელოვანი გეგმები და ამბიცია, რომ ქართულმა თხილმა და სხვა კაკლოვანმა კულტურებმა საერთაშორისო ბაზრებზე სტაბილური ადგილი დაიმკვიდროს.
სხდომის ფარგლებში, სამომავლო გეგმებზე ისაუბრეს.დადებითად შეფასდა გასული წელი და აღნიშნა, რომ 2023-2024 წლებში თხილის მოსავლის გაორმაგებაა დაგეგმილი.
