მთავრობის გადაწყვეტილებით, ახალ საინტერესო პროექტს ვიწყებთ, რომელიც მცირე და საშუალო მეწარმეების ხელშეწყობას ითვალისწინებს. Report.ge-ს ცნობით, ამის შესახებ გარემოს დაცვისა და სოფლის მეურნეობის მინისტრმა მთავრობის სხდომის შემდეგ გამართულ ბრიფინგზე განაცხადა.
მისი თქმით, პროექტი ოთხ რეგიონში: იმერეთში, კახეთში, გურიასა და რაჭა-ლეჩხუმ-ქვემო სვანეთში განხორციელდება.
„ამ შემთხვევაში განსაზღვრულია 300 ათასიდან მილიონ ლარამდე სესხების პროცენტის თანადაფინასება 2 წლის ვადით და ამავე დროს, მნიშვნელოვანი კომპონენტია, რაც გულისხმობს დამატებით საგრანტო ხელშეკრულებას, რომელიც სესხის ოდენობის მაქსიმუმ 60% შეიძლება იყოს და მაქსიმალური საგრანტო თანხა - 600 ათასი ლარი. ეს არის ძალიან მნიშვნელოვანი სტიმული იმისთვის, რომ შერჩეულ რეგიონებში მოხდეს მეწარმეობის განვითარება“, - განაცხადა მინისტრმა.