17 დეკემბერს, Adidas-მა პირველი NFT-ის კოლექცია წარადგინა, სახელწოდებით Into the Metaverse. Report.ge-ს ცნობით, ინფორმაციას incrypted.net ავრცელებს.
გამოცემის ინფორმაციით, 20 ათასი ჟეტონი პირველ დღეს რამდენიმე საათში გაიყიდა. გაყიდვების პირველ დღეს კომპანიამ 23,4 მილიონი აშშ დოლარი გამოიმუშავა.
Into the Metaverse-ის შექმნაზე Adidas კომპანია Bored Apes Yacht Club-სა და PUNKS Comics-თან თანამშრომლობდა.
ეს პროექტი არის გლობალური ბრენდის სტრატეგიის ნაწილი მეტავერსული მიმართულებით.
18 დეკემბრის მდგომარეობით, Adidas-ის პროექტი პოპულარობით მსოფლიოში პირველ ადგილზე იყო NFT პროექტებს შორის.
