ბათუმში სტუდენტები, მოსწავლეები, სოციალურად დაუცველები და პენსიონერები მუნიციპალური ტრანსპორტით უფასოდ იმგზავრებენ. Report.ge-ის ცნობით, ამას შესახებ ინფორმაციას აჭარის მთავრობა ავრცელებს.
აჭარის მთავრობის თავმჯდომარის განცხადებით, გაზრდილი ბიუჯეტით გათვალისწინებულია მთელი რიგი ახალი პროექტები.
მისი თქმით, 2022 წელს აჭარაში მცხოვრები 200 000-მდე პირი ბიუჯეტით გათვალისწინებული სხვადასხვა სოციალური და ჯანდაცვის პროგრამით ისარგებლებს.
"2022 წელს აჭარაში მცხოვრები 200 000 მდე პირი ისარგებლებს ბიუჯეტით გათვალისწინებული სხვადასხვა სოციალური და ჯანდაცვის პროგრამებით:
1 400 სტუდენტი ისარგებლებს სტუდენტთა ხელშეწყობის პროგრამით;
5 000-ზე მეტი პენსიონერი მედიკამენტების შესაძენად ფინანსურ დახმარებას მიიღებს;
ბათუმში სტუდენტები, მოსწავლეები, სოციალურად დაუცველები და პენსიონერები მუნიციპალური ტრანსპორტით უფასოდ იმგზავრებენ;
2022 წელს ხინოწმინდის ტაძრის აღდგენა-რეაბილიტაცია იწყება;
აჭარაში მცხოვრებ 12 ოჯახს სარგებლობაში არსებული ფართი საკუთრებაში დაურეგისტრირდება", - აღნიშნულია უწყების განცხადებაში.