მას შემდეგ, რაც ილონ მასკმა Twitter-ზე დაწერა, რომ აღარ გაყიდდა Tesla-ს მანქანებს Bitcoin-ში, კრიპტოვალუტის ბაზარი შეირყა. Bitcoin-ის ფასი $42,200-მდე დაეცა, ეს კი 3 თვის განმავლობაში ყველაზე დაბალი ნიშნულია. კრიპტოვალუტის ბაზარზე ფასების ნახვა შესაძლებელია სავაჭრო პლატფორმა Binance-ზეც.
აღსანიშნავია, რომ Bitcoin-ის ფასის ვარდნას, მატებაც მოჰყვა და ამ მომენტისთვის მისი ფასი $45 000-ია. ექსპერტების აზრით, ეს იმის მანიშნებელია, რომ უძვირესი კრიპტოვალუტის მიმოქცევა "ჯანმრთელია" და ეს მის მომავალში კიდევ უფრო დიდ მატებას გამოიწვევს.
შეგახსენებთ, რომ ილონ მასკმა Bitcoin-ის გამოყენებაზე უარი იმის გამო თქვა, რომ მისი მოპოვება გარემოს აბინძურებს, ამიტომ მილიარდერმა უფრო უსაფრთხო "კოინები" ამჯობინა. ფაქტია, რომ ილონ მასკის ერთი კომენტარიც საკმარისია იმისთვის, რომ ბირჟებზე რყევები გამოიწვიოს, ამის გამო მას ბოლო პერიოდში ბევრი მომდურავიც გამოუჩნდა.
