The Block Research-ის ანგარიშის თანახმად, ყველაზე პოპულარული ციფრული აქტივის, ბიტკოინის მაინერებმა 2021 წელს 15 მილიარდი დოლარი გამოიმუშავეს. Report.ge-ის ცნობით, ამის შესახებ The Block Crypto წერს.
დოკუმენტის მიხედვით, მაინინგიდან მიღებული შემოსავალი 2021 წელს გასულ წელთან შედარებით 206%-ით გაიზარდა.
„აღსანიშნავია, რომ მაინინგ კომპანიები დაგროვილი ციფრული აქტივების ნაწილს ყიდიან, ხოლო მათ მიერ მოპოვებული მონეტების ნაწილს ინახავენ“, - წერს გამოცემა.
ანგარიშის თანახმად, მაინინგის სავარაუდო შემოსავალმა პიკს მარტში მიაღწია, როდესაც მაინერებმა დაახლოებით 1,75 მილიარდი დოლარი გამოიმუშავეს.