დაბალბიუჯეტური აზერბაიჯანის იაფი ავიაკომპანია იწყებს ფრენებს საქართველოს დედაქალაქიდან. ავიაკომპანიის პირველი რეისი ბაქო-თბილისი-ბაქოს მიმართულებით, 19 მარტს განხორციელდება. ამ მარშრუტზე ფრენები განხორციელდება კვირაში სამჯერ - სამშაბათს, პარასკევს და კვირას.ავიაკომპანია მხოლოდ ორი ტიპის, "სტანდარტულ" და "სუპერ", ბილეთებს სთავაზობს მგზავრებს. "სტანდარტული" ბილეთი 55 ევრო ღირს და არაუმეტეს 10 კგ ბარგის გადატანის უფლებას იძლევა. "სუპერ" ბილეთები 75 ევრო ღირს და არაუმეტეს 23 კგ ბარგის გადატანის ნებართვას იძლევა.
ბაქო-თბილისი-ბაქოს მარშრუტზე ფრენის ბილეთები შეგიძლიათ ავიაკომპანიის ოფიციალურ ვებგვერდზე: www.butaairways.az და ავიაკომპანიის ოფიციალური სააგენტოებიდან (მხოლოდ სუპერ მგზავრობისთვის). ამ ფრენებს მოემსახურებიან ჰეიდარ ალიევის საერთაშორისო აეროპორტის ტერმინალში, როგორც გამგზავრების, ასევე ჩამოსვლისთვის.
Buta Airways არის პირველი იაფი ავიაკომპანია აზერბაიჯანში. დაარსდა 2016 წლის დეკემბერში. პირველი რეისი შესრულდა 2017 წლის 1 სექტემბერს. ავიაკომპანიის ფლოტი შედგება თანამედროვე ემბრაერის თვითმფრინავებისგან. ავიაკომპანია დაფუძნებულია ბაქოში, ჰეიდარ ალიევის საერთაშორისო აეროპორტში.
ბაქო-თბილისის რეისიდან მგზავრები უნდა: 1. შემოვიდნენ საქართველოს ტერიტორიაზე საქართველოში შემოსვლის წესის სრული დაცვით, რომელიც განმარტებულია ბმულზე: https://www.butaairways.az/ru/covid/georgia. 2. ფლობდნენ სამედიცინო სერთიფიკატს კორონავირუსის ინფექციის არარსებობის შესახებ, რომლის ინგლისური ვერსია მგზავრებმა შეუძლია მიიღონ შემდეგ კლინიკებში: https://www.butaairways.az/ru/covid/clinics
თბილისი-ბაქოს რეისის მგზავრებმა უნდა: 1. დაიცვან აზერბაიჯანში შესვლის წესები, რომელიც განმარტებულია ბმულზე: https://www.butaairways.az/ru/covid/az. 2. მიიღონ სინოვის ლაბორატორიის ერთ-ერთი ფილიალში კორონავირუსის ინფექციის არარსებობის სერთიფიკატი ან უნდა წარადგინონ სერთიფიკატი COVID-19– ზე PCR ტესტის უარყოფითი შედეგით, რომელიც შეიცავს QR კოდს. ბაქოში ჩასულმა ყველა მგზავრმა უნდა გაიაროს ორკვირიანი კარანტინი.
ორივე მიმართულებით მგზავრებს უნდა ჰქონდეთ გაკეთებული COVID-19 ტესტი გამგზავრებამდე 48 საათით ადრე.
შეგახსენებთ, აზერბაიჯანი დღეიდან დაემატა იმ ქვეყნების ჩამონათვალს, რომელთა მოქალაქეებს საქართველოს საჰაერო საზღვრის გავლით ქვეყანაში შემოსვლა შეუძლიათ PCR-ტესტის ნეგატიური პასუხით. დღეიდან ამ ქვყანათა ჩამონათვალს აზერბაიჯანთან ერთად დაემატა: სომხეთი, უკრაინა, ყაზახეთი, რუსეთი, ბელარუსი.
რეგურალურ ფრენებზე შეზღუდვები 1-ელი თებერვლიდან გაუქმდა და საჰაერო საზღვარზე შემოსვლის განახლებული რეჟიმი ამოქმედდა. საქართველოში შემოსვლა თვითიზოლაციის გარეშე 44 ქვეყნის არავაქცინირებულ მოქალაქეს შეუძლია.
ევროკავშირის, ისრაელის, შვეიცარიის, ნორვეგიის, აშშ-ის, საუდის არაბეთის, არაბთა გაერთიანებული საემიროების, კატარის და ბაჰრეინის მოქალაქეებსა და რეზიდენტებთან ერთად, თვითიზოლაციის ვალდებულება უქმდება თურქეთის მოქალაქე და რეზიდენტი არავაქცინირებული ვიზიტორებისთვისაც. აღნიშნული ქვეყნებიდან საქართველოში, მათ შორის ტრანზიტულად შემოსვლის შემთხვევაში, მოქალაქე ან რეზიდენტმა ვიზიტორებმა უნდა წარადგინონ 72-საათიანი ვალიდურობის მქონე PCR-ტესტის ნეგატიური პასუხი და ქვეყანაში შემოსვლის შემდეგ, მესამე დღეს, საკუთარი სახსრებით სავალდებულოდ ჩაიტარონ PCR-ტესტი.
რაც შეეხება ვაქცინირებულ ვიზიტორებს, ისინი ნებისმიერი ტიპის კოვიდ-ვაქცინის სრული კურსის ჩატარების, რაც ორ სრულ დოზას გულისხმობს, დამადასტურებელი დოკუმენტის საზღვარზე წარდგენის შემთხვევაში, საქართველოში უპირობოდ შემოსვლას შეძლებენ.
საჰაერო საზღვარი ქვეყანას დაახლოებით 10 თვე ჰქონდა დახურული. სახმელეთო საზღვარი საქართველომ კორონავირუსის გავრცელების პრევენციისთვის 16 მარტიდან ჩაკეტა და ამ დრომდე დახურული აქვს.
