საქსტატის ცნობით, 2020 წლის იანვარ-სექტემბერში ათი უმსხვილესი საექსპორტო ქვეყნის წილმა საქართველოს მთლიან ექსპორტში 76.9 პროცენტი შეადგინა. უმსხვილესი საექსპორტო სამეული შემდეგნაირად ჩამოყალიბდა: ჩინეთი (355.3 მლნ. აშშ დოლარი), აზერბაიჯანი (327.9 მლნ. აშშ დოლარი) და რუსეთი (308.6 მლნ. აშშ დოლარი).
გასული წლის 9 თვესთან შედარებით, ჩინეთში ექსპორტი 184.4%-ით გაიზრადა, ხოლო აზერბაიჯანში შემცირდა 9.3%-ით, რუსეთში კი ექსპორტმა 16,8%-ით იკლო.
მიმდინარე წლის 9 თვეში განხორციელებული ექსპორტის სიდიდით პირველი ხუთეული ასეთია:
1. ჩინეთი: მთლიან ექსპორტში ჩინეთში გატანილი საქონლის მოცულობა 14.8%-ია.
2 აზერბაიჯანი: მთლიან ექსპორტში აზერბაიჯანში გაყიდული საქონლის მოცულობა 13.6%-ია.
3. რუსეთი: ჩრდილო მეზობელთან გატანილი ქართული ნაწარმის წილი მთლიან ექსპორტში 12.8%-ს უტოლდება.
4. ბულგარეთი: მთლიან ექსპორტში ბულგარეთის წილი 9.6%-ია
5. უკრანა: უკრაინაში გატანილი ქართული პროდუქტების წილი მთლიან ექსპორტში 6%-ია.
ბელა გელაშვილი
ავტორი