სასუქების მწარმოებელმა ამერიკულმა კომპანიამ CF Industries Holdings გამოაცხადა, რომ დიდ ბრიტანეთში ორ ქარხანას განუსაზღვრელი ვადით აჩერებს. ამის მიზეზი კი გაზზე მაღალი ფასები გახდა. ამის შესახებ კომპანიის ვებგვერდზეა ნათქვამი.
”ჩვენ ვაჩერებთ მუშაობას როგორც ბილინგემის, ასევე ინსის საწარმოო ობიექტებზე, გაზის მაღალი ფასების გამო. კომპანიას ჯერ არ შეუძლია, შეაფასოს დრო, როდის განაახლებს წარმოებას”, - ნათქვამია შეტყობინებაში.
Bloomberg–ის ანალიტიკოსების აზრით, ამან შესაძლოა, გლობალურ ბაზარზე სასუქების ფასების ზრდა გამოიწვიოს.
”ბაზარი განიხილავს ამ სიტუაციას, როგორც სხვა ევროპელი მწარმოებლების შესაძლო დახურვას და მიწოდების დეფიციტის პირობებში სასუქის ფასები მორიგ ზრდას”, - განაცხადა ანალიტიკოსმა.
