SpaceX-ისა და Tesla-ს დამფუძნებლის, მილიარდერი ილონ მასკის განცხადების შემდეგ, Dogecoin-ის ღირებულება 23,76%-ით გაიზარდა. ამის შესახებ გამოცემა CNBC წერს.
Dogecoin ერთი დღით ადრე 0,164 აშშ დოლარი ღირდა დღეს კი მისი ღირებულება 0,2 აშშ დოლარია.
ილონ მასკმა Twitter-ის ოფიციალურ გვერდზე დაწერა, რომ Tesla-ს მიერ წარმოებული პროდუქციის შეძენა Dogecoin-ით იქნება შესაძლებელი.
„Tesla საქონლის Doge-ით გაყიდვებს დაიწყებს. ვნახოთ, როგორ განვითარდება მოვლენები“, - წერს მასკი.
Dogecoin (DOGE) არის Litecoin-ზე დაფუძნებული კრიპტოვალუტა. იგი 2013 წლის 8 დეკემბერს, პორტლენდში, პროგრამისტი ბილი მარკუსისა და Adobe-ს პროგრამული უზრუნველყოფის ინჟინრის, ჯექსონ პალმერის მიერ შეიქმნა.
მანამდე, მასკმა განაცხადა, რომ კრიპტოვალუტა Dogecoin "მსოფლიოს დაიპყრობს".
SpaceX-ის კომერციული გაყიდვების ვიცე-პრეზიდენტის, ტომ ოჩინეროს განცხადებით, კრიპტოვალუტა Dogecoin პლანეტათაშორისი სავაჭრო ვალუტა გახდება.
