დსთ-ს ქვეყნებმა რკინიგზით მგზავრთა გადაყვანის პოსტპანდემიური გეგმა დაამტკიცეს.
report.az-ის ინფორმაციით, გეგმა დამოუკიდებელ სახელმწიფოთა თანამეგობრობის წევრი სახელმწიფოების სარკინიგზო ტრანსპორტის საბჭომ დაამტკიცა.
გეგმაში ასახულია გარდამავალ პერიოდში ეპიდემიოლოგიური საფრთხის შემცირებისთვის საჭირო საერთაშორისო სარკინიგზო სამგზავრო ტრანსპორტის მიერ შემუშავებული რეკომენდაციები.
ცნობისთვის, დსთ 1991 წლის დეკემბერში საბჭოთა კავშირის დაშლის შემდეგ შეიქმნა. თავდაპირველად თანამეგობრობაში შედიოდა 12 ქვეყანა, ამჟამად კი ალიანსში შედის 9 ყოფილი საბჭოთა რესპუბლიკა: აზერბაიჯანი, ბელარუსი, თურქმენეთი, მოლდოვა, სომხეთი, რუსეთი, ტაჯიკეთი, უზბეკეთი, ყაზახეთი და ყირგიზეთი. თურქმენეთმა 2005 წლის 26 აგვისტოს სრულუფლებიანი წევრობისგან უარი განაცხადა და ამჟამად ასოცირებული წევრია.
2009 წლის 18 აგვისტოს საქართველო ოფიციალურად გამოვიდა დსთ-დან. ამას წინ რუსეთის მიერ 2008 წლის აგვისტოს შეიარაღებული დაპირისპირება უძღოდა. სამხრეთ კავკასიის სახელმწიფოებიდან საქართველო ერთადერთია, რომელიც დსთ-ს წევრი არ არის.
ბელა გელაშვილი
ავტორი