თავში

ეკოტურიზმის რეიტინგში საქართველო 107 ქვეყნიდან 94-ე პოზიციაზეა

ეკოტურიზმის რეიტინგში საქართველო 107 ქვეყნიდან 94-ე პოზიციაზეა

ეკოტურიზმის კუთხით მსოფლიოს საუკეთესო ქვეყნები დასახელდა. რეიტინგი Global Wildlife Travel Index-ის მკვლევარებმა მოამზადეს და გამოაქვეყნეს.

სიის პირველ ათეულში ფინეთი, შვედეთი, ბრაზილია, კანადა, აშშ, ნორვეგია, ესპანეთი, გერმანია, პოლონეთი და სლოვენია მოხვდნენ.

ავტორებმა შეფასების შედგენისას მხედველობაში მიიღეს ეროვნული პარკების რაოდენობა, ბიომრავალფეროვნება, წითელ წიგნში ჩამოთვლილი ცხოველებისა და მცენარეების სხვადასხვა სახეობის გადაშენების რისკები, აგრეთვე ამა თუ იმ ქვეყნის მიერ ბუნების შენარჩუნებისა და გარემოს დაბინძურებისგან დაცვის მექანიზმები.


ეკოტურიზმისთვის საუკეთესო ქვეყანაში, ექსპერტების აზრით, არა მხოლოდ ფლორისა და ფაუნის უზარმაზარი სახეობაა აღრიცხული, არამედ ულამაზესი პეიზაჟები, ასევე ეროვნული პარკები და სახელმწიფოს დიდ ტერიტორიაზე გამწავენებული ზოლებია წარმოდგენილი.

აღსანიშნავია, რომ ეკოტურიზმისთვის საუკეთესო ქვეყნების რეიტინგში ბოლო, 107-ე ადგილზე ლათინური ამერიკის სახელმწიფო ელ სალვადორი მოხვდა. 97-ე ადგილზე ირანი, 101-ეზე აზერბაიჯანი, ხოლო სომხეთი 83-ე ადგილზე გავიდნენ.

რაც შეეხება საქართველოს, მას რეიტინგში 94-ე პოზიცია ერგო.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system