ენერგეტიკისა და წყალმომარაგების ეროვნული კომისია, იგივე სემეკი, ბავშვებში ენერგეტიკული ცნობიერების ამაღლების მიზნით ახალ პროექტს იწყებს. მულტფილმის გმირი ჟოზე მარტივი ტერმინოლოგიის გამოყენებით ბავშვებს უხსნის ენერგოეფექტურობისა და ენერგიის დაზოგვის საშუალებების შესახებ.
როგორც სემეკში განმარტავენ, პროექტის ძირითადი მიზანია ენერგეტიკასთან, ენერგოეფექტიანობასთან, ენერგიის დაზოგვასთან, განახლებად ენერგიებთან და სხვა ენერგეტიკულ საკითხებთან დაკავშირებული ცნებების გაცნობა სკოლამდელი და სასკოლო ასაკის ბავშვებისთვის, აღნიშნულ საკითხებთან დაკავშირებით მათი ცნობიერების ამაღლება და სათანადო უნარ-ჩვევების ჩამოყალიბება.
პროექტის მხარდამჭერია ევროკავშირის დაძმობილების პროექტი „მომსახურების ხარისხისა და ჭკვიანი აღრიცხვის დანერგვის შესახებ".
ბელა გელაშვილი
ავტორი