ევროპაში გაზის ფიუჩერსების ფასები სავაჭრო დღის გახსნისას შემცირდა და ათას კუბურ მეტრზე 1 000 აშშ დოლარამდე დაეცა. Report.ge-ის ცნობით, ამას მოწმობს ლონდონის საფონდო ბირჟის ICE-ის მონაცემები.
გაზის თებერვლის ფიუჩერსების ფასმა ნიდერლანდების TTF-ის ჰაბში ვაჭრობის გახსნისას ათას კუბურ მეტრზე 1 034 აშშ დოლარი შეადგინა. თუმცა, მოგვიანებით 965 დოლარამდე დაეცა.
ევროპაში გაზის ფასი გასული წლის ბოლო დღეს, პირველად 10 ნოემბრის შემდეგ პირველად დაეცა.
ფასის კლება შეიძლება დაკავშირებული იყოს აშშ-დან ევროპაში LNG-ის დამატებით მიწოდებასთან და ევროპის ქარის ელექტროსადგურებზე ელექტროენერგიის გამომუშავების ზრდასთან.
21 დეკემბერს ევროპაში გაზის გაცვლითმა ფასმა, ისტორიაში პირველად, ათას კუბურ მეტრზე 2 000 აშშ დოლარს გადააჭარბა.
