ნავთობპროდუქტების იმპორტიორთა კავშირის ინფორმაციით, გამოცხადებულია გეგმა მომდევნო სამი წლის განმავლობაში ირანში ნავთობისა და გაზის კონდენსატის გადამამუშავებელი სიმძლავრის 50 პროცენტით გაზრდის შესახებ. ამის შესახებ განაცხადა ირანის ნავთობის მინისტრმა ჯავად ოვჯმა.
მისი განმარტებით, ახალი გეგმა ითვალისწინებს არსებულ ნავთობგადამამუშავებელ ქარხნებში პროდუქციის ხარისხისა და რაოდენობის გაუმჯობესებას და ახალი კომპლექსების მშენებლობას.
მინისტრის თქმით, ირანის მთლიანი გადამამუშავებელი სიმძლავრე მომდევნო სამ-ოთხ წელიწადში 50%–ით გაიზრდება დღევანდელი 2.2 მილიონი ბარელიდან 3.5 მილიონ ბარელამდე/დღე-ღამეში.
ოვჯის თქმით, სულ მცირე 8 ინვესტორი მზად არის მონაწილეობა მიიღოს ირანში ახალი ნავთობქიმიური ქარხნების მშენებლობაში.
მინისტრმა აღნიშნა, რომ ირანის ნავთობის დადასტურებული მარაგები შეადგენს 150 მილიარდ ბარელს.
