საფონდო ვაჭრობის შემდეგ, კორპორაცია Amazon-ის მფლობელის, ჯეფ ბეზოსის აქტივების მოცულობა $8,44 მილიარდით გაიზარდა და $211 მილიარდი შეადგინა. ამის შესახებ ინფორმაციას Bloomberg ავრცელებს.
გამოცემა წერს, რომ აქტივების მოცულობით, ბეზოსმა აქამდე არსებული ყველა რეკორდი მოხსნა.
ცნობისთვის, 5 ივლისს ჯეფ ბეზოსმა, მსოფლიოს ყველაზე მდიდარმა ადამიანმა, მის მიერვე დაფუძნებულ კომპანია Amazon-ში აღმასრულებელი დირექტორის პოზიცია დატოვა.
ბეზოსმა კომპანია 25 წლის წინ დააარსა. დღეს კომპანიის კაპიტალიზაცია 1.7 ტრილიონი დოლარია, ხოლო ბეზოსის პირადი ქონება თითქმის 211 მილიარდი დოლარია.