საქართველოს პორტებში ტვირთბრუნვა გაიზარდა, თუმცა საკონტეინერო გადაზიდვებში კლებაა.
იანვარ-სექტემბერში ქართულმა ნავსადგურებმა 12.7 მლნ ტონა ტვირთი გადაამუშავეს, რაც 100 000 ტონით აღემატება შარშან გადამუშავებული ტვირთების რაოდენობას.
საკონტეინერო გადაზიდვებში 18.5%-იანი კლება ფიქსირდება, ანუ, შარშან 9 თვეში საქართველოს დერეფანში გადამუშავდა 459 552 კონტეინერი, წლევანდელი მაჩვენებელი კი 374 379 TEU-ა.
საქართველოს უმსხვილეს პორტს, ფოთის პორტს ტვირთებში 0.8 მლნ ტონიანი კლება აქვს. წელს იანვარ-სექტემბერში ფოთი პორტმა 5.6 მლნ ტონა ტვირთი გადაამუშავა.
ტვირთის ზრდაა ბათუმის პორტში. აქ გადამუშავებული ტვირთოს ოდენობა წელს 2.3 მილიონიდან 2.7 მილიონამდე გაიზარდა.
ზრდაა ყულევისა და სუფსის ტერმინალებშიც. ყულევმა წელს 9 თვეში 1.3 მლნ ტონა, სუფსამ კი 3.1 მლნ ტონა ტვირთი გადაამუშავა.
ბელა გელაშვილი
ავტორი