ჩინურ კომპანია ByteDance-ს, რომელიც სოციალური ქსელი TikTok-ის მფლობელია, 2020 წელს 45 მილიარდი აშშ დოლარის ოდენობით წმინდა ზარალი ჰქონდა. ამის შესახებ გამოცემა Wall Street Journal კომპანიის თანამშრომლების მიერ გავრცელებულ წერილზე დაყრდნობით წერს.
გამოცემის თანახმად, ფინანსური ზარალის მიზეზი ბუღალტრული აღრიცხვის კორექტირება გახდა.
გასულ წელს ByteDance-ის საოპერაციო ზარალი 2.1 მილიარდი დოლარი ჰქონდა. ამავდროულად, კომპანიის შემოსავალი 2020 წელს 2019 წელთან შედარებით გაორმაგდა და 34.3 მილიარდი დოლარი შეადგინა.
ByteDance 2012 წელს დაარსებული ჩინური კომპანიაა, რომლის სათაო ოფისი პეკინშია. იგი ფლობს არაერთ ინტერნეტ სერვისს, მათ შორის სოციალურ ქსელ TikTok-ს.
