კომპანიებისთვის, რომლებმაც ელექტროენერგიის გაზრდილი ტარიფის სუბსიდია ვერ მიიღო, შესაძლოა სარეგისტრაციო პორტალი ხელახლა გაიხსნას. ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.
მინისტრის შეფასებით, პორტალის ამოქმედების შემდეგ საინფორმაციო კამპანია წარმატებით ჩატარადა, პრემიერ-მინისტრისგანაც არაერთხელ გგაჟღერდა ინფორმაცია, როგორ უნდა მოეპოვებინათ კომპანიებს დენის ტარიფის ფასნამატის კომპენსაცია.
"შესაძლოა, ხელახლა გამოცხადებაზე ვიმსჯელოთ, მათთვის ვინც ვერ მოასწრო. მივუბრუნდებით საკითხს, სავარაუდოდ მათ მეორე შანსი მიეცემათ“, - აღნიშნა მინისტრმა.
შეგახსენებთ, მთავრობა საკვები პროდუქტების მწარმოებელ კომპანიებს 2021 წლის განმავლობაში ელექტროენერგიის გაზრდილი ტარიფის 50%-ს უსუბსიდირებს.
ბელა გელაშვილი
ავტორი