ამერიკული კომპანია Microsoft-ის გუნდმა, რომელიც HoloLens-ის გაძლიერებული რეალობის ყურსასმენს ავითარებს, გასულ წელს 100-მდე თანამშრომელი დაკარგა. Report.ge-ს ცნობით, ამის შესახებ Windows Central წერს.
საერთო ჯამში, HoloLens-ის პროექტებზე Microsoft-ის დაახლოებით 1500 თანამშრომელი მუშაობს. მათგან თითქმის ასი გასულ წელს სხვა კომპანიებში გადავიდა. მათ შორის, 40-ზე მეტი Meta-ში.
ცოტა ხნის წინ ცნობილი გახდა, რომ Microsoft-ის ინტეგრირებული ვიზუალური გამაძლიერებელი სისტემის (IVAS) მიწოდება აშშ-ს არმიისთვის გადაიდო.
კომპანიის ყოფილმა თანამშრომლებმა განაცხადეს, რომ Microsoft-მა არ დაიქირავა საკმარისი ინჟინრები ხელშეკრულებით გათვალისწინებული გრაფიკის შესასრულებლად.
