ამერიკული ნავთობის ინსტიტუტის მონაცემების გამოქვეყნების შემდეგ, მსოფლიო ბაზარზე ნავთობის ღირებულება დაეცა. ამერიკული ნავთობის ინსტიტუტის (API) ინფორმაციით, ქვეყანაში ნავთობის მარაგები მოსალოდნელზე უფრო ნაკლებად შემცირდა.
Brent-ის თებერვლის ფიუჩერსების ფასი 1,04%-ით შემცირდა და ბარელზე 72,93 აშშ დოლარი შეადგინა.
ხოლო, WTI-ის იანვრის ფიუჩერსების ღირებულება 1,23%-ით დაეცა და ბარელზე 69,86 აშშ დოლარად ბარდება.
API-ს მონაცემებით, აშშ-ში ნავთობის მარაგები 0,815 მილიონი ბარელით შემცირდა, მაშინ, როდესაც ანალიტიკოსები 2,6 მილიონი ბარელით შემცირებას პროგნოზირებდნენ.
კორონავირუსის პანდემიით გამოწვეული ნავთობზე მოთხოვნის შემცირების გამო, OPEC+-მა გასული წლის მაისიდან მოყოლებული, მოპოვება 9,7 მილიონი ბარელით შეამცირა.
ვითარების სტაბილიზაციასთან ერთად, ნავთობის მოპოვება მეტ-ნაკლებად აღდგა. 2021 წლის აგვისტოდან ალიანსმა ნავთობის წარმოება ყოველთვიურად 400 ათასი ბარელით გაზარდა.
მას შემდეგ ორგანიზაციის წევრი ქვეყნები ყოველთვიურად იკრიბებიან და მომავალი თვისთვის წარმოების გეგმას განიხილავენ.
