1 ივლისის 10:30 საათის მონაცემებით, OPEC+-ის შეხვედრის წინ, მსოფლიოში ნავთობის ფასებმა მოიმატა.
Brent-ის ტიპის ნავთობის სექტემბრის ფიუჩერსების ფასი 0,16%-ით გაიზარდა 74,74 აშშ დოლარამდე.
რაც შეეხება, WTI-ის ნავთობის აგვისტოს ფიუჩერსების ღირებულებას, იგი 0,2%-ით არის გაზრდილი, 73,62 აშშ დოლარამდე.
2021 წლის პირველი ნახევრის მონაცემებით, მსოფლიოში ნავთობის ფასები 2009 წლის შემდეგ რეკორდული ტემპით, 44-52%-ით გაიზარდა.
ამრიგად, წლის პირველ ნახევარში Brent-ის ტიპის ნავთობი 44,2%-ით გაძვირდა, WTI-ის 51,5%-ით. მეორე კვარტალში, Brent-ის ნავთობზე ფასები გაიზარდა 17.5%-ით, ხოლო WTI-ის 24.2%-ით.
