ზოგიერთ ქვეყანაში კოვიდ შეზღუდვების დაბრუნების გამო, მსოფლიო ბაზარზე ნავთობის ღირებულება ეცემა.
Brent-ის თებერვლის ფიუჩერსების ფასი 0,31%-ით დაეცა და ბარელზე 74,19 აშშ დოლარს შეადგენს.
ამავდროულად, WTI-ის იანვრის ფიუჩერსების ღირებულება 0,23%-ით არის შემცირებული და ბარელზე 70,78 აშშ დოლარად ბარდება.
ნავთობის ბაზარი პარასკევს ნეგატიურ დინამიკას ავლენს, რადგან რამდენიმე ქვეყანამ კორონავირუსის "ომიკრონ" შტამის გავრცელების გამო, გადაადგილებაზე დამატებითი შეზღუდვები დააწესა.
დღეს ამერიკული ნავთობისა და გაზის მომსახურების კომპანია Baker Hughes Company-მა აშშ-ში მოქმედი ნავთობის პლატფორმების შესახებ ყოველკვირეული სტატისტიკა უნდა გამოაქვეყნოს.