ამერიკული WTI-ის ნედლი ნავთობის ფასმა 2014 წლის მაქსიმუმს გადააჭარბა და ამ დროისათვის ბარელის ღირებულება 85 აშშ დოლარს აჭარბებს.
Brent-ის ტიპის ნავთობის დეკემბრის ფიუჩერსების ფასი 1.11%-ით გაიზარდა და ბარელზე 85,59 აშშ დოლარს შეადგენს.
ამავდროულად, WTI-ის დეკემბრის ფიუჩერსების ღირებულება 1.52%-ით არის მომატებული და ბარელზე 85.03 აშშ დოლარად ბარდება.
კორონავირუსის პანდემიით გამოწვეული ნავთობზე მოთხოვნის შემცირების გამო, OPEC+-მა გასული წლის მაისიდან მოყოლებული, მოპოვება დღეში 9,7 მილიონი ბარელით შეამცირა. ვითარების სტაბილიზაციასთან ერთად, ნავთობის მოპოვება მეტ-ნაკლებად აღდგა. 2021 წლის აგვისტოდან ალიანსმა ნავთობის წარმოება ყოველთვიურად 400 ათასი ბარელით გაზარდა.
ნავთობის ფასების ზრდა უმეტესად განპირობებულია იმით, რომ მიწოდება ვერ აკმაყოფილებს ბაზარზე არსებულ მოთხოვნას.
