OPEC-ის მორიგი შეხვედრის მოლოდინში, მსოფლიო ბაზარზე ნავთობის ფასები იზრდება.
Brent-ის იანვრის ფიუჩერსების ფასი 2,6%-ით გაიზარდა და ბარელზე 71,12 აშშ დოლარს შეადგენს.
ამავდროულად, WTI-ის იანვრის ფიუჩერსების ღირებულება 0,94%-ით არის მომატებული და ბარელზე 67,89 აშშ დოლარად ბარდება.
ერთი დღით ადრე, Brent-ის ტიპის ნავთობის ფასი ბარელზე 68 დოლარამდე დაეცა, ხოლო WTI-ის ნავთობიდ - 65 დოლარამდე.
შეგახსენებთ, რამდენიმე ქვეყანამ ეროვნული მარაგებიდან ნავთობის გაყიდვა დაიწყო.
შეერთებულმა შტატებმა აზიის რამდენიმე ქვეყანას სთხოვა ნავთობის სტრატეგიული მარაგები გაეთავისუფლებინათ, რათა OPEC-ზე ზეწოლა მოეხდინათ და მსოფლიო ბაზრებზე ნავთობის ფასები შემცირებულიყო. ჯოზეფ ბაიდენის კოალიციას, ნავთობის მსოფლიო ფასების დაწევას სახელმწიფო მარაგების გაყიდვით ცდილობს.
თავის მხრივ, ნავთობის ექსპორტიორი ქვეყნების ორგანიზაცია (OPEC) პროგნოზირებს, რომ სტრატეგიული მარაგებიდან ნავთობის გათავისუფლება, შესაძლოა, მსოფლიო ბაზარზე მიწოდების ჭარბი რაოდენობა გამოიწვიოს. OPEC-ის რამდენიმე დელეგატმა აღნიშნა, რომ ბაზარზე ნავთობის ჭარბი მიწოდების შემთხვევაში ორგანიზაციამ, შესაძლოა, იანვარში ნავთობის მოპოვების დაგეგმილ ზრდაზე უარი თქვას.
OPEC+-ის მინისტრების მონიტორინგის ჯგუფის მორიგი შეხვედრა დღეს გაიმართება.
