OPEC+-ის მინისტრების მორიგი შეხვედრის მოლოდინში, მსოფლიო ბაზარზე ნავთობის ღირებულებამ მცირედით იკლო.
Brent-ის თებერვლის ფიუჩერსების ფასი 0,05%-ით გაიზარდა და ბარელზე 75,19 აშშ დოლარი შეადგინა.
ხოლო, WTI-ის იანვრის ფიუჩერსების ღირებულება 0,14%-ით დაეცა და ბარელზე 70,78 აშშ დოლარად ბარდება.
OPEC ნავთობის ბაზრის შესახებ ყოველთვიურ ანგარიშს დღის მეორე ნახევარში გამოაქვეყნებს.
კორონავირუსის პანდემიით გამოწვეული ნავთობზე მოთხოვნის შემცირების გამო, OPEC+-მა გასული წლის მაისიდან მოყოლებული, მოპოვება 9,7 მილიონი ბარელით შეამცირა.
ვითარების სტაბილიზაციასთან ერთად, ნავთობის მოპოვება მეტ-ნაკლებად აღდგა. 2021 წლის აგვისტოდან ალიანსმა ნავთობის წარმოება ყოველთვიურად 400 ათასი ბარელით გაზარდა.
მას შემდეგ ორგანიზაციის წევრი ქვეყნები ყოველთვიურად იკრიბებიან და მომავალი თვისთვის წარმოების გეგმას განიხილავენ.
