დედაქალაქის მერის, კახა კალაძის განცხადებით, 1-ლი თებერვლიდან საზოგადოებრივ ტრანსპორტში აბონემენტების სისტემა ამოქმედდება. Report.ge-ის ცნობით, ამის შესახებ დედაქალაქის მერმა მთავრობის სხდომაზე განაცხადა.
მისი განცხადებით, დედაქალაქში იმოქმედებს 90-წუთიანი, 1-დღიანი, 1-კვირიანი, 1-თვიანი, 3-თვიანი, 6-თვიანი და 1-წლიანი აბონემენტები.
90-წუთიანი აბონემენტი 1 ლარი ეღირება.
1-დღიანი - 3 ლარი;
ულიმიტო 1-კვირიანი - 20 ლარი;
ულიმიტო 1-თვიანი - 40 ლარი;
ულიმიტო 3-თვიანი - 100 ლარი;
ულიმიტო 6-თვიანი - 150 ლარი;
ულიმიტო 1-წლიანი - 250 ლარი ეღირება.
კახა კალაძის განცხადებით, ბარათების გაყიდვა 5 იანვრიდან დაიწყება და მისი შეძენა „საქართველოს ბანკის“ ექსპრეს-ფილიალებში და მეტროს სალაროებში იქნება შესაძლებელი.