"თიბისი კაპიტალის" ყოველკვირეული ეკონომიკური მიმოხილვის თანახმად, თბილისში რეგისტრირებული ბინის ყიდვის ტრანზაქციები ზრდის დადებით მაჩვენებელს უახლოვდება და ამჟამად -6%-ს შეადგენს.
"29 ივლისს დამთავრებულ შვიდ დღეში, გაცემული იპოთეკური სესხების წლიურმა ცვლილებამ 7% შეადგინა. 6 ივლისიდან დღემდე გაცემული იპოთეკური სესხების 30% სუბსიდირების პროგრამის ბენეფიციარია," - აღნიშნულია მიმოხილვაში
დოკუმენტის თანახმადვე, დატვირთულობა უფრო დაბალია მცირე და საშუალო სასტუმროებში, სადაც კახეთი ლიდერობს 22%-ით.
მიმდინარე ჯავშნებით ივლისში 4% დატვირთულობა ფიქსირდება თბილისში, 15% ბათუმში, 37% კახეთში და 19% სხვა რეგიონებში (ქუთაისის, ბორჯომის და ყაზბეგის ჩათვლით).
რაც შეეხება სარესტორნე ინდუსტრიას, "თიბისი კაპიტალის" ცნობით, გაუმჯობესება შეინიშნება რესტორნებში უნაღდო ხარჯვაში.
"რესტორნებში უნაღდო ხარჯვის ცვლილება ივლისის მეოთხე კვირაში წ/წ -23%-ს შეადგენს," - აღნიშნულია მიმოხილვაში, სადაც ფულად გზავნილებზეცაა საუბარი. კერძოდ, საგარეო გადარიცხვების ზრდა თიბისი ბანკის არხების მეშვეობით დადებით მაჩვენებელზეა და 20-26 ივლისის კვირაში წ/წ 18%-ს შეადგენს.
დოკუმენტის თანახმად, GOOGLE-ის მობილობის ინდექსი სამუშაო ადგილის და სამგზავრო სადგურების გარდა მეტწილად აღდგენილია.
ბელა გელაშვილი
ავტორი