"რაჭაში სტიქიის შედეგების აღმოფხვრას, შესაძლოა, 50 მლნ ლარამდე თანხა დასჭირდეს,"- ამის შესახებ საქართველოს პრემიერ-მინისტრმა გიორგი გახარიამ რაჭაში სტიქიის შედეგების ადგილზე გაცნობისას განაცხადა.
პრემიერ-მინისტრის შეფასებით, საბოლოო ჯამში ზიანი ძალზედ სერიოზულია.
„მხოლოდ მაგისტრალური გზების აღდგენის სამუშაოები დამატებით 30 მლნ ლარს საჭიროებს. საერთო ჯამში სტიქიის შედეგების აღმოფხვრას შესაძლოა 50 მლნ ლარამდე თანხა დასჭირდება“, - განაცხადა გიორგი გახარიამ.
მთავრობის მეთაურის თქმით, 12 სოფელი იყო გარე სამყაროს მოწყვეტილი. დღეის მდგომარეობით კი 4 სოფელთან დროებითი კავშირი აღდგენილია, თუმცა 8 სოფელი კვლავ რჩება.
მისივე თმით, სოფლებსი ელექტროენერგიის აღდგენა ერთ კვირაშია შესაძლებელი.
„ორშაბათამდე კიდევ 2 სოფელთან აღდგება კავშირი, თუმცა სოფლებთან, როგორიც არის ღები, პატარა ღები, გლოლა და შოვი, როგორც ჩანს გზა იმდენად არის დაზიანებული, რომ ამ სოფლებთან კავშირის აღდგენას მინიმუმ, ერთი თვე დაჭირდება“, - აღნიშნა პრემიერმა და დასძინა, რომ და პატარა ღებში რამდენიმე მოსახლე მეწყერსაშიშ ზონაშია და ტერიტორიებს გეოლოგები შეისწავლიან.
ბელა გელაშვილი
ავტორი