"ქვეყანაში ბიუროკრატიული ხარჯების სისტემური პრობლემა არ არის,"- ასე უპასუხა პრემიერმა გახარიამ დეპუტატის შეკითხვას, რატომ არ შეამცირა ხელისუფლებამ პანდმიური კრიზისისას სსიპ-ებისა და აიპ-ების ოდენობა.
"რეალურად, ბიუროკრატიული ხარჯების შემცირება ქვეყანაში დღეს იქნება კონტრპროდუქტიული, სსიპ-ებისა და აიპ-ების ნაწილში ხალხის რაოდენობა პრობლემაა, ეფექტურობა გასაზრდელია, ხელფასებიც გასაზრდელია და ხალხის რაოდენობა - შესამცირებელი", - განაცხადა გიორგი გახარიამ.
სსიპ-ი არის სამინისტროების დაქვემდებარებაში მყოფი საჯარო სამართლის იურიდიული პირი, ხოლო აიპ-ი კი არასამეწარმეო (არაკომერციული) იურიდიული პირი.
ოპოზიცია მთავრობას ედავება, რომ მათი ოდენობა ხელოვნურადაა გაზრდილი და ბიუჯეტიდან მათ დაფინანსებაზე ზედმეტად ბევრი თანხა იხარჯება.
ბელა გელაშვილი
ავტორი