ინფლაციის შემცირების კვალდაკვალ, ლარის საპროცენტო განაკვეთების დაწევა 2022 წლის მეორე კვარტალიდან არის მოსალოდნელი, - Report.ge-ის ცნობით, ამის შესახებ "თიბისი კაპიტალის" ანგარიშშია საუბარი.
როგორც ანგარიშშია აღნიშნული, რეფინანსირების განაკვეთის შემცირებაზე გავლენას ახდენს ინფლაციის კლება; ტურისტული შემოსავლების აღდგენა; ლარის კურსის მეტნაკლები სტაბილურობა.
ამასთან, საქართველოში უცხოურ ვალუტაში განაკვეთების ზრდა მოსალოდნელი არ არის. ამის მიზეზებია:
- საბანკო სექტორში უცხოური ვალუტის კვლავ ჭარბი ლიკვიდობა;
- გრძელვადიან პერიოდში ვალუტაში განაკვეთების სტრუქტურული კლება, რასაც სუსტი კავშირი ჰქონდა საერთაშორისო ბაზრებზე არსებულ დინამიკასთან;
- ასევე, ლარიზაციის მოსალოდნელი ზრდა და ლარზე მეტი მოთხოვნა.
