რუსეთის ექსპორტის ცენტრის (REC) გენერალური დირექტორის, ვერონიკა ნიკიშინას, ინფორმაციით, რუსი ექსპორტირებისვის აზერბაიჯანის ბაზარი საინტერესო და კომერციულად მიმზიდველია. მისი განმარტებით, აზერბაიჯანულ ბაზარზე რუს ინვესტორებს შესთავაზებენ ფინანსურ შეღავათებს, მათ შორის, ინფრასტრუქტურული პროექტების მშენებლობის შემთხვევაში.
მისივე ინფორმაციით, ორი ქვეყნის შემდგომი ეკონომიკური თანამშრომლობის გეგმები უკვე შემუშავებულია.
"წელს ჩვენ დიდი გეგმები გვაქვს რუსეთ-აზერბაიჯანის პროექტების განსახორციელებლად. მიმდინარე წლის იანვარში რუსეთის დიდი დელეგაცია იმყოფებოდა ბაქოში ორი ქვეყნის შემდგომი გეგმების განსახილველად. ველით სერიოზულ შედეგებს. ჩვენი ბიზნესმენებისთვის ძალიან საინტერესო და სასარგებლო შეტავაზებები ექნებათ აზერბაიჯანში. ჩვენ მზად ვართ ვისაუბროთ არა მხოლოდ ტვირთების პირდაპირ მიწოდებაზე, არამედ საინვესტიციო თანამშრომლობაზეც ინფრასტრუქტურულ პროექტებში. ჩვენი პოტენციალი აზერბაიჯანულ ბაზარზე აბსოლუტურად არ არის გამოყენებული. აზერბაიჯანის ბაზარი ძალიან საინტერესო და პერსპექტიულია რუსი ექსპორტიორებისთვის”, - ამბობს ვერონიკა ნიკიშინა.
