სოციალური მომსახურების სააგენტოს სექტემბრის მონაცემებით, სახელმწიფოსგან ყოველთვიურ საარსებო დახმარებას უკვე 502 258 ადამიანი იღებს, რაც საქართველოს მოსახლეობის 13.5%-ია.
სახელმწიფოსგან დანიშნულ საარსებო მინიმალურ თანხას, რომელიც თვეში 60 ლარია თითო ადამიანზე, საქართველოში მცხოვრები 140 ათასი ოჯახი იღებს. ბოლო ერთ წელიწადში კი, წინა წლის სექტემბერთან შედარებით, ამ დახმარების მიმღებთა რიცხვი 17%-ით არის გაზრდილი.
სახელმწიფო შემწეობას ყველაზე მეტი ბენეფიციარი თბილისში ჰყავს. დედაქალაქში საარსებო შემწეობას იღებს 106 ათასი ადამიანი, რაც მისი მოსახეობის 9.5%-ია.
ყველაზე ღარიბი რეგიონი რაჭა-ლეჩხუმია, სადაც მოსახლეობის 43% საარსებო შემწეობაზეა დამოკიდებული. ღარიბ რეგიონებად შეიძლება მივიჩნიოთ ასევე სამეგრელო-ზემო სვანეთი, რომლის მცხოვრებთა19.2%-ი იღებს საარსებო შემწეობას, გურია, სადაც მოსახლეობის 18.9%-ია დამოკიდებული სახელმწიფო შემწეობაზე, შიდა ქართლი, სადაც შემწეობას იღებს მოსახლეობის 17.8% და მცხეთა მთიანეთი, რომლის მისახლეობის 16.3%-ია დამოკიდებული სოციალურ დახმარებაზე.
ბელა გელაშვილი
ავტორი