საფრანგეთის ინფორმატიკისა და თავისუფლებების ეროვნულმა კომისიამ (CNIL), მომხმარებელთა ინფორმაციის შეგროვების დარღვევისთვის, Google და Facebook დააჯარიმა. Report.ge-ს ცნობით, ინფორმაციას Reuters ავრცელებს.
გამოცემის ინფორმაციით, Google-ს 150 მილიონი დოლარის, ხოლო Facebook-ს 60 მილიონი დოლარის გადახდა დაეკისრა.
როგორც სააგენტო აღნიშნავს, საუბარია ე.წ. cookie-ზე, რომელიც მიზნობრივი რეკლამისთვის მომხმარებლების შესახებ ინფორმაციას აგროვებს.
ფრანგულმა მარეგულირებელმა დაადგინა, რომ Facebook, Google და Youtube cookie-ების გათიშვას ართულებს.
ამასთან, გამოცემის ცნობით, აღნიშნული ჯარიმის ოდენობა რეკორდულია. მანამდე, მაქსიმალური ჯარიმა მარეგულირებელმა 2020 წლის დეკემბერში დააწესა და 100 მილიონი დოლარი შეადგინა. ჯარიმა ამ შემთხვევაშიც Google-ის წინააღმდეგ იყო მიმართული.
