საკარანტინო სივრცეების სასტუმროებში განთავსებით შესაძლებელი გახდა დასაქმებულთა შენარჩუნება. ტუიზმის ეროვნული ადმინისტრაციის ცნობით, საკარანტინე სივრცეები 83 სასტუმროშია მოეწყობილი და დასაქმებულია 2 484 თანამშრომელი.
თავად სასტუმროების წარმომადგენლები აღნიშნავენ, შესაძლებლობა, რომელიც სახელმწიფოსგან მიიღეს, სექტორისთვის დროული და შედეგიანი გამოდგა.
ტურიზმის ეროვნული ადმინისტრაციის ცნობით, 10 მარტიდან დღემდე სავალდებულო 14 დღიანი კარანტინი 15 600-ზე მეტმა მოქალაქემ გაიარა.
ცნობისთვის, stopcov.ge-ის ინფორმაციით, საქართველოში კორონავირუსისგან უკვე 168 ადამიანი გამოჯანმრთელდა, კარანტინის რეჟიმშია 5085 ადამიანი, სტაციონარში მეთვალყურეობის ქვეშაა 558. ქვეყანაში სულ ვირუსის 511 შემთხვევაა დაფიქსირებული, 6 ადამიანია გარდაცვლილი.
ბელა გელაშვილი
ავტორი