აზერბაიჯანში წარმოდგენილი ქართული კომპანიები საქართველოში წამყვან პოზიციებს იკავებენ. ამის შესახებ საქართველოს სამრეწველო პალატის პრეზიდენტმა გიორგი პერტაიამ ბაქოში გამართულ აზერბაიჯან-თურქეთ-საქართველოს ბიზნესფორუმზე განაცხადა.
როგორც მან აღნიშნა, სამივე ქვეყანა ერთად მუშაობს პანდემიით გამოწვეული სირთულეების დასაძლევად.
გიორგი პერტაიას განცხადებით, მიმდინარე წლის იანვარ-ოქტომბერში საქართველოსა და აზერბაიჯანს შორის სავაჭრო ბრუნვა 16%-ით გაიზარდა, ხოლო საქართველოსა და თურქეთს შორის სავაჭრო ბრუნვა - 30%-ით.
