2020 წლის ოქტომბერში შეადგინა საავიაციო ნავთის იმპორტმა შეადგინა 4,4 ათასი ტონა, რაც 0,3 ათასი ტონით ჩამორჩება სექტემბრის მაჩვენებელს. სექტემბერში საავიაციო ნავთის იმპორტმა 4,7 ათასი ტონა შეადგინა.
ამის შესახებ report.ge-ს ნავთობპროდუქტების იმპორტიორთა კავშირიდან აცნობეს.
მათი მონაცემებით, საავიაციო ნავთის იმპორტის 77,3% (3,4 ათასი ტონა) განხორციელდა თურქმენეთიდან, 22,7% (1,0 ათასი ტონა) - თურქეთიდან.
რაც შეეხება 10 თვის მონაცემებს, იანვარ-ოქტომბერში საავიაციო ნავთის იმპორტმა შეადგინა 47,5 ათასი ტონა, რაც 35,5 ათასი ტონით ანუ 42,8%-ით ნაკლებია გასული წლის ანალოგიური პერიოდის მაჩვენებელთან (83,0 ათასი ტონა) შედარებით.
2020 წლის იანვარ-ოქტომბრის განმავლობაში საავიაციო ნავთის იმპორტის 79,2% (37,6 ათასი ტონა) განხორციელდა თურქმენეთიდან, 16,2% (7,7 ათასი ტონა) - თურქეთიდან, 4,6% (2,2 ათასი ტონა) - რუმინეთი.
საავიაციო ნავთის იმპორტის კლებას სპეციალისტების პანდემიას უკავშირებენ. მათი თქმით, ეპიდემიის გამო ფრენები ამ დრომდე შეზღუდულია, საჰაერო რეისები, ფაქტობრივად, არ სრულდება, რის გამოც საავიაციო ბიზნესი და მისი მომიჯნავე სფეროები ზარალზეა.
