საპენსიო სააგენტოს დირექტორის ვაკანსიაზე სულ 120 განცხადება შევიდა. განცხადებების მიღების ვადა 31 იანვარს ამოიწურა.
პრეტენდენტების ვინაობა კონფიდენციალურია.
საპენსიო სააგენტოს დირექტორს ხელფასი 10,000-დან 15,000 ლარამდე ექნება.
სამეთვალყურეო საბჭოს გადაწყვეტილებით, კონკურსი შესაძლებელია შედგებოდეს შემდეგი ეტაპებისგან: ა) განაცხადების გადარჩევა; ბ) წერითი დავალება; გ) გასაუბრება.
ამჟამად საპენსიო სააგენტოს დირექტორის მოვალეობას გიორგი ჭიჭინაძე ასრულებს.
ეს თანამდებობა ვაკანტური მას შედეგ გახდა, რაც სააგენტოს ყოფილმა ხელმძღვანელმა, ლევან სურგულაძემ, თანამდებობა თავისი ნებით დატოვა.
ბელა გელაშვილი
ავტორი