სენაკში რეგიონალური ინოვაციების ჰაბის მშენებლობას იწყება. როგორც სენაკის მუნიციპალიტეტის მერიაში განმარტავენ, აქ ერთ სივრცეში რამდენიმე კომპონენტი და სერვისი გააერთიანდება.ესენია: სატრენინგო სივრცე; საერთო სამუშაო სივრცე; შეხვედრებისა და კონფერენციების სივრცე; ფაბლაბი (Fabrication Laboratories – Fab Lab).
ახლა ლოკაციაზე, სადაც ცენტრი განთავსდება, ძველი შენობის დემონტაჟი მიმდინარეობს.
სამუშაოებს სსიპ საგანმანათლებლო და სამეცნიერო ინფრასტრუქტურის განვითარების სააგენტოს მიერ გამოცხადებულ ტენდერში გამარჯვებული კომპანია შპს ,,ბეგი-ჯორჯია’’განახორციელებს.
პროექტის ღირებულება 2 მილიონ ლარამდეა და მისი დასრულება 2021 წლის შემოდგომაზე იგეგმება.
ბელა გელაშვილი
ავტორი